Kowledge is Power

                                     Hacking! Hacking! Hacking!
A tu ka chiah mi software hi pakhat le pakhat ziar ngeih le  hnahchuah in ii hack nak ding ah si lo in Email Password Philh a hmang ngai mi pawl nih an email password kawl than nak caah ka timi pawl a si. Email Password Philh a hmang lo mi caah cun san a tlai lem lai lo (a herh lem lo). Thatnak in a hmang mi nih cun thatnak a hmuh ko lai. Chiatnak in a hmang mi cu chiatnak nih a phak ve thiam thiam ko lai. Na Lung fian lo nak a um ahcun rak ka hal than te.

KUALA LUMPUR: Laimi misual minung 4 nih Imbi Taxi stand pawng Internet Game dawr ah September 21, zinglei sml 5:00 am hrawngah hriamnam he a rak luh hnawhtu minung 4 chungah minung 3 cu CDT (Pudu) nih September 27 ah an tlaih khawh cang hna.

Mah internet game dawr ah hriamnam he an luh lioah CCTV nih record a rak tuah hna caah tubantuk in an tlaih khawh hna hi a si.

Hriamnam he Game dawr ah a lutmi minung 4 chungah an tlaih khawh cangmi hna minung 3 cu; Thangtlangpeng Congthia khuami Pu Chan Khar le Pi Ely hna i an fapa Pa Bawi Ram Uk Lian, kum 18, Hmawngtlang khuami Cung Kung le Mara khuami Pi Sui Vang hna i an fapa Van Lawm Sang, kum 20, Phaipha khuami Pu Ngun Ceu le Pi Far Sung an fapa Pa Kyawkyaw Lwin, kum 18 hna hi an tlaihmi hna cu an si. An tlaih khawh rih lomi hi Kya-inn khua ah a ummi Biak Lan fapa Kap Lian Cung, kum 20, a si i anih hi Ipoh ah rianṭuanmi a si caah an tlai kho rih lo, tiah thawng theih a si.

An tlaih cangmi minung 3 chungah Pa Van Lawm Sang le Pa Kyawkyaw Lwin hi Malaysia ah kum 3 renglo a um cangmi an si i UNHCR a lut veve cangmi an si. Pa Bawi Ram Uk Lian hi Malaysia ah a phaknak kum 1 fai te a si. An pathum ning in CDAC zungah an hren lio hna a si. Mah Game dawr an luh hnawh hna lio ah dawr chungah internet a ṭhumi hi minung pakhat hmanh an um lo lio caan ah a si i minutes 5 tluk lawng dawr chungah an um hi a si.

Game dawr a hngakmi nih cun, RM 480 le telefawn 1 a kan chuh, tiah an ti. Mah an tlaihmi hna 3 nih an chim ningah cun RM 330 le telefawn 1 hi kan chuhmi hna a si, tiah an chim.

Hi thil a can ni ah internet dawr a ngeitu Tuluk bosspa nih CDAC chairman sin ah thawng a thanh colh i September 22 ah CCTV nih record a tuahmi ṭepphal cu a rak pek. A voikhat nak i a pekmi ṭepphal cu zoh khawh lo a si i September 24 ni ah a rak pek ṭhan. Cu ṭepphal zoh hnu lawngah laimi chung kan si kong le neihniam ah a ummi an si kong theih a si. Minung an theih hna hnuah CDAC chairman nih ACR, CRC le CCF hruaitu hna a auh hna i biaruahnak a ngeih hna. Cu hnuah Pudu CDT bu sin ah CDAC nih thawng an hei thanh hna i, September 27 Cacawn nithum ni ah Pudu plaza pawng lakphakti dawr ah CDT nih an tlaih hna hi a si.

Rel Chap (Read More) »